ملكة الاحساس
عضو مؤسس
عدد المساهمات : 231
تاريخ التسجيل : 23/11/2009
العمر : 31
 | | حكاية منتخب بلادي | |
تــبــدأ حــــــــكــاية الفريــــق يالــــولاد ***** لما جابها فريق جبهة التحرير بالجهاد
ورفعوا لعلام في كل أنحاء البـــــــــلاد
وبدات تكبر الحكاية عند كل النــــــــاس ***** مع مخلوفي كرمالي كالام و لالمــــاس
ومابقى وقتها ينقصنا غير نجيبوالكأس
وجا وراهم قموح دراوي و بترونــــــي ***** هذوك في لـعبهــم راهــم حيرونـــــــي
يومها قالهم بومدين في فرنسا فرجوني
نحكي يالولاد على حكــاية الثمــانينــات ***** هذاك جيل اللعب الجماعي و الفنيـــات
بيهم دخلنا للتاريخ و حققنا المعجيزات
راه جيل سرباح قريشي قندوزو مرزقان *****ومعاهم منصوري فرقاني دحلب زيدان
راهم فرجونا في البرازيل وقهروا للمان
آه على ثلاثي بلومي ماجر و عصـــــاد ***** بلامننسى مغارية قاسي سعيد و منـــاد
راهـم كـانوا فـي إفريقيــا هـم الأسيـــــاد
خلدوا إسم الجزائر في مكسيكووخيخون ***** وردوا روباش يأكل الحشيش كالمجنون
وعلى جالهم الــفــيفــا بدلـــت القــانــون
على خاطر صرات حكاية في لسبــــان ***** حكاية العار بين النمســــا و للمـــــــــان
والعالم بكل قال راهو تصرف جــبـــــان
بعدهم جا صايب تاسفاوت دزيري مدان ***** راحوسافروا لأروبا ولتما قدموا البيــان
وماكان يخصنا يومها غير الحظ اللي خان
عاودوها نتوما نشــــاالله هذا العـــــــام ***** وفكروا الشعب في ذوك ليـــــــــــــــــام
وكونوا كي الأبطــــــــال الشيـــــــــــــــام
مــدربكــم مـدرب فنـــــــــــــــــــــــان ***** إســــم رابـــــــح سعـــــــــــــــــــــدان
مــعـروف بالصرامة من زمـــــــــــان ***** كــي يــوضع خــطة فــــوق الميــــــدان
اللاعــــبين يولوا كــي مجاهــدين زمــان
كــي قــواوي كـي فــوزي شـــاوشـــي ***** معاهـــم المرمى يبقــى ديـــما خــــاوي
ويفرح كل جزائــري بالقبايلــي بالشــاوي
توزيعــات رحو ونــذير بلحــــــــــــاج ***** بــيهــم يحــــلى اللـــعب والتفــــــــراج
راه ساهــــر عليهم روراوة وقبلو حــــداج
يــاالمصــري فـات وقـت لعب النّيـــــة ***** وجـا وقت حليــش زاوي و عنتر يحــي
في جوان رايح تقول معنا تحيا الجزائر تحيا
منصــوري لــموشيــة يــبدا وبوقــــرة ***** الجزائــــر بـــيهم رايحة ديــــرالقــــــرة
والله هـــذي حقيقـــة مشــــــي غـيـر هــدرة
نـّّاشدكم يـــاصايفي و كريـم زيانـــــي ***** خليــو علام البـــلاد ديمــا في العلالــــي
وقــولو معايــــا آلــي لالجيـــريى آلـــــــــي
كي يلعب معاهم مقني غـزال ومطمور ***** يــاولدي البالــو يولي حلــو و يــــــــدور
وبيهـــــم ربحنــــــــا مصــــر آلـــي روتــور
شــــــوفوا شــــوفوا معايا يـــا نــــاس ***** لـــعب أشيــو عــبدون و كمــال غيـلاس
راهـــم حالفيــن فـي أنغولا يجيبــو الكـــــأس
ياسيــن بــزاز ورفيـــق جبـــــــــــور ***** مــاينفع معاهم لا سحــــور ولا بخـــــور
وبربـــي نشاالله لالجيـــــري ديمــــا فـــــــور
زيد لهم الشادلي عبد السلام وجديــات ***** و الله تقـــول عليهم من جيل الثمنينــــات
ولــي يقيـــس الجزائـــر معاهم راه مــــــــات
وديــــــوهــا مــن عنـــدي كلمــــــــة ***** أنتـــــم يـــالـي مــاعـطيتونــا قيمـــــــــــة
كما مريــــم ناصــري وكريــــم بن زيمــــــــة
والله الجزائــــــر تحتاج لكم ديمــــــة ***** عندهـا ولادهـــا ماتنقصهــم العزيمــــــــة
وهازين حــب الجزائـــر فتي قلوبهم الكريمــة
لأنكـــم خنتــم العهــد و البـــــــــــلاد ***** وبكيتـــو الأحفـــاد وغضبتــــم الأجـــــداد
ودمعــت العيـــن وكحــال عليكــــم الفــــــــؤاد
وكي تكبروا فرنسا ماتدرلكم الشـــان ***** وتنساكـم كما نسـات زين الدين زيــــــدان
لـي كانـو يقولوا عليــه سحــــار وفنــــــــــــان
إسمع ياالمصري قول صادي وبوعزة ***** وقالهــــا مـن قبـل الرئيـــــــس بـــــورزة
الجزائـــــــــــر بلاد الكرامــــة والعـــــــــــزة
نبلغ سلامـي لكل لاعـــب ماذكرتوش ***** مثل مفتاح بن حمــو زرابـــي وبابــــوش
ونقولهـــــــم منــــــــــي مــا تتغشـــــــــــوش
هذي الحكاية حكها لكم رياض عقابـي ***** وهـو مثــل بقيـــة الشعــب ينـــــــــــادي
تحيـــــا تحيـــــا الجزائــــــــر بــــــــــــلادي __________________
| |
|
